Legazpiko Hamaika lagunek osatzen dute herriko hamaikakoa. Gazte zein heldu; ikasle, langile eta jubilatu; emakumeak eta gizonak; batzuk belarriprest eta besteak ahobizi… guztiek erabaki dute euskaraldian parte hartzea.

Legazpiko hamaika lagun hauek, Euskal Herriko hamaikakoa osatzen duten kideek bezala, euskararen aktibazioa bultzatzeko urratsa eman dute dagoeneko. Ekimenaren enbaxadore izango dira herrian, eta parte hartzea aktibatzeko lehen deia egin dute. Ekimenaren berri emango diete ingurukoei, gainera.

Era berean, euskaraldian parte hartuko duten ahobizi eta belarriprest guztiei gonbitea egiten diegu, nork bere hamaikakoa osatu dezan, hau da, ariketa honetan aliatu izango dituen hamaika lagunen zerrenda osatzea.